मिति २०८२ वैशाख १८ गते बिहिबारका दिन अन्तर्राष्ट्रिय मजदुर दिवसको अवसरमा ब्लड डोनर्स एशोसिएशन नेपाल (ब्लोदान) मकवानपुर जिल्ला शाखाको आयोजनामा खुल्ला रक्तदान कार्यक्रम हेटौंडाको बुद्धचोकमा सम्पन्न भयाे । सो रक्तदान कार्यक्रममा अध्यक्ष जोशी लगायत २३ जना स्वयंसेवी रक्तदाताहरुले रक्तदान गर्नुभएको ब्लोदान मकवानपुर जिल्ला शाखाका अध्यक्ष कपिला जोशीले जानकारी दिनुभयो ।

नेपाल रेडक्रस सोसाइटी प्रादेशिक रक्तसंचार सेवा, हेटौंडाको प्राविधिक सहयोगमा भएको सो रक्तदान कार्यक्रममा हेटौंडा उपमहानगरपालिका वडा नं. २ को विशेष सहयोग रहेको जनाएको छ ।

सो कार्यक्रममा रक्तदान गर्नु हुने सम्पूर्ण स्वयंसेवी रक्तदाताहरु, आयोजक ब्लोदान मकवानपुर जिल्ला शाखा परिवार, प्राविधिक टोलीका सदस्यहरु, हेटौंडा उपमहानगरपालिका वडा नं. २ परिवार लगायत अन्य सहयोगीहरुमा ब्लोदान परिवारले हार्दिक धन्यवाद दिएको छ ।