विश्व रेडक्रस दिवसको अवसर पारेर आज २०८२ वैशाख २४ गते बुधबारबाट सिन्धुपाल्चोक जिल्ला चौतारा सांगाचोकगढी नगरपालिका स्थित चौतारा अस्पतालमा रक्तसंचार सेवा शुरु भएको छ ।

यो सेवा संचालनबाट चौताराबासीहरु लगायत सिन्धुपाल्चोक जिल्लाबासीहरुमा समेत रगत व्यवस्थापनमा सहजता आउनेमा विश्वास लिन सकिन्छ ।

नेपाल रेडक्रस सोसाइटी, सिन्धुपाल्चोक जिल्ला शाखा, चौतारा अस्पताल तथा ब्लड डोनर्स एशोसिएशन नेपाल (ब्लोदान) सिन्धुपाल्चोक जिल्ला शाखाको सहकार्यमा आज सो रक्तसञ्चार सेवा केन्द्रको उद्घाटन गरिएको हो ।

सो अवसरमा नेपाल रेडक्रस सोसाइटी भक्तपुर रक्तसञ्चार सेवाको प्राविधिक सहयोगमा रक्तदान कार्यक्रम समेत आयोजना गरिएको थियो ।