हिजो मिति २०७८ चैत्र २६ गते शनिबारका दिन ६५औं राष्ट्रिय सहकारी दिवसको अवसरमा काठमाडौं बचत तथा ऋण सहकारी संघ (कास्कुन) तथा ब्लड डोनर्स एशोसिएशन नेपाल (ब्लोदान)को संयोजन तथा एकता साकोसको आयोजनामा रक्तदान कार्यक्रम सम्पन्न भयो ।

भक्तपुर रक्तसञ्चार सेवाको प्राविधिक सहयोगमा काठमाडौंको शान्तिनगरमा सम्पन्न कार्यक्रममा कास्कुनका संचालक एवं एकता साकोसका निमित अध्यक्ष वीरेन्द्र भण्डारी, ब्लोदानका अध्यक्ष ई. सानु बाबु प्रजापती र सदस्य भोला नाथ पाठकको उपस्थिति रहेको थियो ।

क्वाइनोनिया समाज र सिद्धेश्वर वाचनालयको सहकार्य रहेको उक्त कार्यक्रममा जम्मा ३३ युनित रगत संकलन भएको थियो ।

स्मरणीय छ, नेपालमा हुने रगत संकलनमा सहकारी संस्थाहरूको भूमिका महत्त्वपूर्ण रहंदै आएको छ ।