मिति २०७८/१०/२९ गते । ब्लड डोनर्स एसोसिएसन नेपाल (ब्लोदान)को आह्वानमा सहयोगी महिला जागरण मञ्चको आयोजना र लायन्स क्लब अफ युनाइटेड सेन्ट्रल तथा वातावरण मैत्री समाजको समन्वय साथै केन्द्रीय रक्तसञ्चार सेवा, ताहाचलको प्राविधिक सहयोगमा काठमाडौंको मैतिदेवी मन्दिर परिसरमा रक्तदान कार्यक्रम सम्पन्न भएको छ ।

ब्लोदानका केन्द्रीय अध्यक्ष ई. सानुबाबु प्रजापती, केन्द्रीय उपाध्यक्ष उज्वल के. सी., केन्द्रीय कोषाध्यक्ष मचाकाजी महर्जन तथा केन्द्रीय सदस्य राधिका श्रेष्ठ लगायतको उपस्थिती रहेको सो कार्यक्रममा २१ जना स्वयंसेवी रक्तदाताहरुले रक्तदान गर्नुभएको थियो जसमा ५ जना महिला रक्तदाता हुनुहुन्थ्यो । असीम इच्छा हुंदाहुदै पनि विभिन्न कारणबाट रक्तदान गर्न नमिल्ने १२ जना महानुभावहरु मध्ये कोरोना विरुद्ध खोप लगाएको दुइ हप्ता नपुगेका ४ जना, उच्च रक्तचाप भएका ४ जना, एक हप्ता बिचमा औषधी सेवन गरेका ३ जना तथा तौल नपुगेको १ जना रहेको थियो ।

यस रक्तदानमा महत्वपूर्ण साथ सहयोग गर्नुहुने लायन्स क्लब अफ काठमाडौं युनाइटेड सेन्ट्रल, वातावरण मैत्री समाज, उत्तम टेलरिङ्ग एण्ड रेडिमेड सेन्टर, रुपा शाही , निरजराज सत्याल, युनिस कार्की का साथै रक्तदानको लागी सहभागी हुनुभएका महानुभावहरु, रक्तदाताहरु साथै कार्यक्रममा स्वयंसेवक भई सेवा दिनुहुने आदरणीय व्यक्तित्वहरु तथा कार्यक्रममा सहयोग गर्नुहुने मनकारी सहयोगी दाताहरुमा धन्यवाद ज्ञापन गर्दै आगामी रक्तदान कार्यक्रम ८ मार्च फागुन २४ गते रहेको जानकारी ब्लोदानका केन्द्रिय सदस्य राधीका श्रेष्ठले दिनु भयो ।

फोटोहरुकाे लागी यहा क्लीक गर्नुहाेला