मिति २०७८ चैत २५ गते
काठमाडौ महानगरपालिकाको सहयोगमा ब्लड डोनर्स एशोसिएशन नेपाल (ब्लोदान)को आयोजनामा कामपा ३२ वडाको समन्वयमा कोटेश्वर महादेवस्थान ब्याङ्क्वेटमा स्वयंसेवी रक्तदान सम्बन्धी उत्प्रेरणामूलक कार्यक्रम स्थानीय संघसंस्था र महिला समुहका महानुभावहरु र कोटेश्वर सरस्वती मा. वि.का कक्षा १२ का विद्यार्थिहरु बीच सम्पन्न भयो ।
कार्यक्रमको सभापति तथा कार्यक्रमका संयोजक एवं ब्लोदानका केन्द्रीय उपाध्यक्ष उज्वल के. सी.ले उत्प्रेरणा कार्यक्रमको महत्व र उपादेयताका विषयमा चर्चा गर्नु हुँदै सहभागी सबैलाई स्वागत गर्नुभयो ।
उक्त अवसरमा प्रमुख अतिथि काठमाडौ महानगरपालिका सामाजिक विकास विभागका प्रमुख पदम केशर अधिकारीले काठमाडौ महानगरपालिकावाट नयाँ रक्तदाताहरु बढाउन, उत्प्रेरित गर्न र अन्य यस्तै कार्यक्रमका बारे जानकारी दिनु भयो ।
एकीकृत उपभोक्ता संघका अध्यक्ष मदन कुमार शिवाकोटी र कोटेस्वर सरस्वती मा. वि.का प्रद्यानाध्यापक पुष्प राज कुँवरले स्थानीय जनसमुदाय र विद्यार्थीहरुलाई लक्षित यस्ता कार्यक्रमले रक्तदान गर्न प्रेरित गर्ने बताउनु हुँदै कार्यक्रमको सफलताको शुभकामना दिनु भयो ।
नेरेसो, केन्द्रीय रक्तसंचार सेवा, ताहाचलका जनसम्पर्क अधिकृत राम श्रेष्ठले श्रोत ब्यक्तिको भुमिका निभाउनु हुँदै स्वस्थ्य ब्यक्तिलाई रक्तदान गर्न उत्प्रेरित गर्दै रगत के हो यसको महत्व मानव जिवनमा किन छ र रगतको प्राविधिक पक्षवाट सहभागीहरुलाई जानकारी दिनु भयो ।
ब्लड डोनर्स एशोसिएसन नेपाल ब्लोदानका केन्द्रीय कोषाध्यक्ष मचाकाजी महर्जनले रक्तदानको इतिहास, ब्लोदानको स्थापना र रक्तदान किन, कस्ले, कसरी र कहाँ गर्ने भन्ने बारे सहभागीहरुलाई आफ्नो प्रस्तुतिमा जानकारी दिनुभयो ।
कार्यक्रमको अन्तमा ब्लोदान काठमाडौ जिल्ला शाखाका अध्यक्ष जनक खड्काले सबैलाई धन्यवाद ज्ञापन गर्नुभयो भने केन्द्रीय सदस्य बालकृष्ण श्रेष्ठले कार्यक्रम सन्चालन गर्नु भएको थियो ।