हिजो मिति २०७८ चैत्र ५ गते शनिबार सिन्धुपाल्चोक जिल्ला लिसंखुपाखर-५ मा सिन्धु एकता सेवा समाजको आयोजनामा ब्लड डोनर्स एशोसिएशन नेपाल (ब्लोदान) को आह्वानमा खुल्ला रक्तदान कार्यक्रम सम्पन्न भयो ।

पहाडी ठाउँको स्वच्छ वातावरणमा नेरेसो, भक्तपुर रक्तसञ्चार सेवाको प्राविधिक सहयोगमा श्री सम्पदा मा. वि. को प्राङ्गणमा सम्पन्न सो कार्यक्रममा जम्मा ६५ जना स्वयंसेवी रक्तदाताहरूले रक्तदान गर्नुभएको थियो । जसमध्ये १७ जना महिला हुनुहुन्थ्यो भने विभिन्न कारणले ६ जनाले रक्तदान गर्न पाउनुभएन ।

सो कार्यक्रमको लागि आयोजक परिवारसंगै ब्लोदानका केन्द्रीय कोषाध्यक्ष मचाकाजी महर्जन र केन्द्रीय सदस्य राधिका श्रेष्ठको विशेष उपस्थिती रहेको थियो भने ब्लोदानको तर्फबाट राधिका श्रेष्ठले आवश्यक समन्वय गर्नुभएको थियो ।

कार्यक्रममा सिन्धु एकता सेवा समाजका अध्यक्ष ओमराज लामाले कार्यक्रम सफलतापूर्वक सम्पन्न भएकोमा खुशी व्यक्त गर्दै उपस्थित महानुभावहरू, स्वयंसेवी रक्तदाता महानुभावहरू, सहयोगी महानुभावहरू एवं ब्लोदान परिवारलाई हार्दिक धन्यवाद दिनु भयो । सहभागी रक्तदाताहरुलाइ संस्थाका पदाधीकारी हरुबाट प्रमाणपत्र तथा सम्मान पत्र द्वारा सम्मान गरिएकाे थियो ।

त्यस्तै नेपाली काङ्ग्रेस लिसंखुपाखरका सभापति जाेगलाल बाेम्जन ( जेठा ) कार्यक्रममा सहभागी भइ रक्तदान समेत गर्नु भएको थियो । उहाले रक्तदानका क्षेत्रमा ब्लोदानले खेलेकाे भुमिकाकाे प्रशंशा गर्दै सिन्धुपाल्चोक जिल्लामा ब्लोदानकाे शाखा खोली रक्तदाताहरुलाइ नियमीत रक्तदान गर्न अभिप्रेरीत गर्ने कार्यमा सहयोग पुर्याउने बताउनु भयो ।

साथै कार्यक्रममा त्यस क्षेत्रका अन्य संघ संस्थाका प्रतिनिधीहरुकाे समेत सहभागीता रहेको थियो ।

सोही अवसरमा उपस्थित हुनुहुने महानुभावहरूलाई ब्लोदानको ब्रोसर वितरण गर्नुका साथै रगत, रक्तदान तथा यसको प्रयोग सम्बन्धी जानकारी दिइएको थियो ।

रक्तदाताहरुको विवरण

फोटोहरुको लागी यहा क्लीक गर्नुहोला